عايزنى أنسى؟؟
راجع وتانى عايزنى أنسى؟ ....... وسهل عندك جرحى عادى؟
فاكر عليا ف يوم هتقسى......... وأرجع وقلبى عليك ينادى؟
لأ للأسف مفهمتنيش
هبعد خلاص بعدك هعيش
وفـّر دموعك .. متساويش
وياريت بلاش تضعف قصادى
بتقوللى آسف مرة خُنتِك ....... وأنا آسفة.. دى وجعت كرامتى
ورضاكى عنّى يبان فى صمتك....... موّتت فيّا حتى صمتى
هنطق وأقول جرحك خانقنى
من فترة وأنا حُبّك قالقنى
وندمى على حبك سابقنى
وضاع معاك ع الفاضى وقتى
متقولش هتغيّر ونرجع ....... أنا قلبى ساب حُبّك وراه
أصل الخيانه بجد توجع ...... لو من حبيب قلبك معاه